From the Mahabharata
yudhiShThira uvAcha devadevo jagannAtha praNatArtipraNAshanaH | shivamUrtiH prasannAtmA loke pratyakShatAM gataH || 43-1 kathaM shaMbhuriti khyAtaH pUjyate vidhivaddvijaiH | kathaM dadAti bhaktAnAM prasannAtmA varaM paraM || 43-2 tasya devasya pUjAyAH phalaM kiM kena pUjitaH | kaH prApnoti shubhA.NllokAnetAnsarvAnvadasva me || 43-3 devavrata mahAbhAga kR^ipA mayi tavAsti chet | tasmAttvAM prArthayAmyadya pAtuM dharmAmR^itaM prabho || 43-4 bhIShma uvAcha aho vakShyAmi te pArtha bhUtanAthasya vaibhavam | yasya shravaNamAtrNa sarvapApaiH pramuchyate || 43-5 AdyantashUnyo deveshaH sR^IShTisthityantakArakaH | brahmA rudrastathA viShNuH kubero devarAT prabhuH || 43-6 indro.agniryamadharmesho nirR^itIrvaruNaH prabhuH | vAyuH suryaH sahasrAkShaH sarvesho bhUrbhuvaHsuvaH || 43-7 kAlarUpasya dharmasya lokanAthasya dharmaja | nAhaM vakttumashakto.asmi tattvabhAvamasheShataH || 43-8 yudhiShThira uvAcha teShAmIshvarabhaktAnAM viShNulokaH kathaM bhavet | etanme saMshayaM tAta ChettumarhatyasheShataH || 43-9 bhIShma uvAcha brahmAviShNumaheshAnAM bhedaH kutrApi na prabho | kartAro hyadya lokAnAM sR^iShTisthitilayeShu cha || 43-10 tvayA dR^iShTaH purA kR^iShNo lokanAtho jaganmayaH | kailAsayAtrAmakarotputrArthaM bharatarShabha || 43-11 tatrArAdhya chiraM kAlaM bhUtanAthamumApatim | IpsitaM prAptavAnputraM tasmAdbhedo na vidyate || 43-12 shaMkaro viShNumavyaktaM chiramArAdya bhaktimAn | ShaNmukhaM labhate putraM devatArthamariMdamam || 43-13 brahmA cha janayAmAsa viShNumArAdhya bhaktitaH | lokAnprajApatinsarvAMstasmAdbhedo na vidyate || 43-14 atraivodAharantImamitihAsaM purAtanam | shR^iNvatAM sarvapApaghnamAyurArogyavardhanam || 43-15 purA kR^itayuge rAjansushAnto nAma vai dvijaH | shAnto jitendriyo maunI sadA dhyAnaparAyaNaH || 43-16 vedeShu dharmashAstreShu vedAnteShu vichakShaNaH | gArhastye saphalAnkAmAnanubhUya dvijottamaH | mokShakAmo hi rAjendra visheSheNa shivavrataH || 43-17 kiShkindhAM samupAgamya brahmadattena pAlitAm | pampAsarovare snAnaM kRitvA tu shivamarchanam | tapastaptumanA rAjaMstatrAste shaMkaraM stuvan || 43-18 pampAnAthaM virUpAkShaM nIlalohitamavyayam | mR^ityuMjayaM kR^ittivAsaM pinAkinamariMdamam || 43-19 sahasrAkShaM sadAnandaM nIlameghanibhaM haram | shUlapANiM mahAdevaM sR^iShTisthityantakariNam || 43-20 dhyAyanstuvannamasyaMshcha tatrAste brAhmaNottamaH | traiyaMbakaM mahAmantraM rudrasUkTAdibhiH shivam || 43-21 snApayitvA tu tam pUjya trikAlaM snAnatatparaH | shAkamUlaphalAhAraH shAntaH paramabudhimAn || 43-22 atra tiShThati rAjendra tasminnAste dvijottamaH | shUdro vai dharmakushalo nAmataH saMgato budhaiH | shivabhakto jitakrodhaH shushrUShucha dvijanmanAm || 43-23 virUpAkShasya devasya vandanArtham yayau cha saH | sushAntasya tadaA kurva~nshushrUShAM rAjasattama | tatrAste sarasastIre jitAhAraH shataM samAH || 43-24 tasminkAle virUpAkSho bhUtanAtho jaganmayaH | AvirbhabhUva rAjendra tato vAchamuvAcha ha || sushAnta shR^iNu madvAkyaM tapasA toShito.asmyahaM | varaM varaya bhadraM te viddhi bhUtapatiM cha mAm || 43-25 eatadvachastadA shrutvA brAhmaNo vismayAnvitaH | natvA punaH punardevamastauShijjagatAM patim || 43-26 namaste pArvatIkAnta namaste chandrashekhara | namashchaitanyarUpAya pashUnAM pataye namaH || 43-27 vishveshvara virUpAkSha vishvarUpasadAshiva | sharaNaM bhava bhUtesha karuNAkara shaMkara || 43-28 namo dharmAya devAya vishvarupAya shUline | bhUtanAthAya dharmAtmannamaste nAgabhUShaNa | bhasmoddhUlitasarvA~Nga jaTAdhara sadAshiva || 43-29 mR^iganAbhisugandhAya mR^igacharmadharAya cha | kapAlamAline tubhyamakShasUtradharAya cha | bhUyo bhUyo namastubhyaM purAntaka jaganmaya || 43-30 bhIShMa uvAcha evaM stutaH prasannAtmA pArvatIvallabhaH prabhuH | aShTamUrtidharaH shrImAndevagandharvasevitaH || 43-31 varaM brUhiti taM choktvA shUdraM bhaktisamanvitam | atiShThattasya purataH pUrvAndreraMshumAniva || 43-32 vareNyaM varayAmAsa brAhmaNo lokavishrutaH | chaturtho.api cha me shreyo dadasveti varaM tadA || 43-33 nIlakaNThastadAkarNya smitapUrvamabhAShata | shR^INu vipravarashreShTha tava dAsye tadIpsitam | anyajanmAni shUdrasya dAsyAmi varamuttamam || 43-34 evaM shivavachaH shrutvA brAhmaNo hitakR^itsatAm | uvAcha shaMkaraM natvA mR^idvakSharasamanvitam || 43-35 vishvaMbara tathaivAstu mamApi na hi taM vinA | kathaM yasyAmi te lokaM shushrUShushcha sakhA mama || 43-36 ityuktvA maunamAstAya pAdau natvA shivasya cha | shubhaM pa~nchAkSharam mantraM japannAste tapovane || 43-37 nIlakanThaH punashchedamuvAcha tapatAM varam | tathAhaM tu kariShyAmi yuvayorbrAhmaNottama || 43-38 shUdrasya shatrubhAvaM tvameShyasi tvanyajanmani | darshanAchcha vadhAchchaiva yuvayormuktirastviti || 43-39 brAhmaNa uvAcha kathaM shatrutvamApnoti shUdro me hanyajanmani | etadbhUtesha me brUhi mama janma cha shaMkara || 43-40 Ishvara uvAcha mata~Ngo nAma viprarShirbhavitAsi dvijottama | indraputro hyayaM shUdro vAlIti khyAtimeShyati || 43-41 brAhmaNa uvAcha kiM cha te bhavatA rUpamIdR^ishaM pAvanaM param | brUhyetatsarvabhUtesha bhUyo bhUyo namo.astu te || 43-42 shaMkara uvAcha rAmo dAsharathirbhUtvA jaTAvalkalavAnraNe | haniShyati shareNAshu vidUre dR^iShTigochare | ityuktvA sahasA devaH sahasA tu tirodadhe || 43-43 kasyachittvatha kAlasya dvijashUdrau layaM gatau | tatra bhogAndivisthAnvai yathAvadanubhUya cha | bhuvasthalaM prapannau tau tapobalasamanvitau || 43-44 mata~Ngo.abhUtsushAnto.atha sarvadharmaparo nR^ipa | shUdro.asau bAlitvamApanno hyasaMkhyeyabalastadA || 43-45 kurvatastapa atyugraM mata~Ngasya virodhakR^it | kiShkindhAM samupAgamya hariNAmadhipo.abhavat || 43-46 tapaH kurvati dharmiShThe mata~NgamunipuMgave | shaMkaraH sarvabhUtAnAM tadA rAmatvamAptavAt | prAptavAnvanamatyugraM piturvachanagauravAt || 43-47 pampAsarovaraM gatvA rAmAkhyo bhagavAnharaH | AdityasUnorvyAjena hatvA vAlinamagrataH | svapadaM dattavAnrAjandarshanAtbrAhmaNasya cha || 43-48 dharmashIlasushAntau cha saMprAptau cha shivAlayam | pUjitau bhUtapatinA hyanubhUya sukhAnbahUn | yayaturviShNulokaM tau koTivaMshasamanvitau || 43-49 tasmAchChivArchanaM nityaM bhuvi muktiphalapradam | harishaMkarayorbhedaM nAsti nAsti janAdhipa || 43-50 ya idaM puNyamAkhyAnam nAradena prabhAShitam | shR^iNuyAttasya vai nAko bhedabuddhirna jAyate || 43-51
No comments:
Post a Comment