Devi Mahatmyam Keelaka Stotram

asya Sree keelaka stOtra mahaa mantrasya | Siva RuShiH | anuShTup CaMdaH | mahaasarasvatee dEvataa | maMtrOdita dEvyO beejam | navaarNO maMtraSakti|Sree sapta Satee maMtra statvaM sree jagadaMbaa preetyarthE saptaSatee paaThaaMgatvaEna japE viniyOgaH |

OM namaScaNDikaayai
maarkaNDEya uvaaca

OM viSuddha gnyaanadEhaaya trivEdee divyacakShuShE |
SrEyaH praapti nimittaaya namaH sOmaartha dhaariNE ||1||

sarvamEta dvijaaneeyaanmantraaNaapi keelakam |
sOpi kShEmamavaapnOti satataM jaapya tatparaH ||2||

siddhyantuccaaTanaadeeni karmaaNi sakalaanyapi |
EtEna stuvataaM dEveeM stOtravRuMdEna bhaktitaH ||3||

na mantrO nauShadhaM tasya na kinci dapi vidhyatE |
vinaa jaapyam na siddhyEttu sarva muccaaTanaadikam ||4||

samagraaNyapi sEtsyanti lOkaSagnykaa mimaaM haraH |
kRutvaa nimantrayaamaasa sarva mEva midaM Subham ||5||

stOtraMvai caNDikaayaastu tacca guhyaM cakaara saH |
samaapnOti sapuNyEna taaM yathaavannimantraNaaM ||6||

sOpikShEma mavaapnOti sarva mEva na saMSayaH |
kRuShNaayaaM vaa caturdaSyaam aShTamyaaM vaa samaahitaH ||6||

dadaati pratigRuhNaati naanya thaiShaa praseedati |
itthaM roopENa keelEna mahaadEvEna keelitam| ||8||

yO niShkeelaaM vidhaayainaaM caNDeeM japati nitya SaH |
sa siddhaH sa gaNaH sOtha gandharvO jaayatE dhruvam ||9||

na caivaa paaTavaM tasya bhayaM kvaapi na jaayatE |
naapa mRutyu vaSaM yaati mRutEca mOkShamaapnuyaat ||10||

gnyaatvaapraarabhya kurveeta hyakurvaaNO vinaSyati |
tatO gnyaatvaiva sampoornam idaM praarabhyatE budhaiH ||11||

saubhaagyaadica yatkincid dRuSyatE lalanaajanE |
tatsarvaM tatprasaadEna tEna japyamidaM SubhaM ||12||

Sanaistu japyamaanEsmin stOtrE sampattiruccakaiH|
bhavatyEva samagraapi tataH praarabhyamEvatat ||13||

aiSvaryaM tatprasaadEna saubhaagyaarOgyamEvacaH |
SatruhaaniH parO mOkShaH stooyatE saana kiM janai ||14||

caNdikaaM hRudayEnaapi yaH smarEt satataM naraH |
hRudyaM kaamamavaapnOti hRudi dEvee sadaa vasEt ||15||

agratOmuM mahaadEva kRutaM keelakavaaraNam |
niShkeelanca tathaa kRutvaa paThitavyaM samaahitaiH ||16||

|| iti Sree bhagavatee keelaka stOtraM samaaptam ||