Sri Kundalini Sahasranama Stotram

shrIkuNDalinIsahasranAmastotram

shrIgaNeshAya namaH |

shrIAnandabhairavI uvAcha |
atha kAnta pravakShyAmi kuNDalIchetanAdikam |
sahasranAmasakalaM kuNDalinyAH priyaM sukham || 1||
aShTottaraM mahApuNyaM sAkShAt siddhipradAyakam |
tava premavashenaiva kathayAmi shR^iNuShva tat || 2||
vinA yajanayogena vinA dhyAnena yatphalam |
tatphalaM labhate sadyo vidyAyAH sukR^ipA bhavet || 3||
yA vidyA bhuvaneshAnI trailokyaparipUjitA |
sA devI kuNDalI mAtA trailokyaM pAti sarvadA || 4||
tasyA nAma sahasrANi aShTottarashatAni cha |
shravaNAtpaThanAnmantrI mahAbhakto bhavediha || 5||
aihike sa bhavennAtha jIvanmukto mahAbalI || 6||
asya shrImanmahAkuNDalIsAShTottarasahasranAmastotrasya
brahmarShIrjagatIchChando
bhagavatI shrImanmahAkuNDalIdevatA sarvayogasamR^iddhisiddhyarthe viniyogaH ||
kuleshvarI kulAnandA kulInA kulakuNDalI |
shrImanmahAkuNDalI cha kulakanyA kulapriyA || 7||
kulakShetrasthitA kaulI kulInArthaprakAshinI |
kulAkhyA kulamArgasthA kulashAstrArthapAtinI || 8||
kulaj~nA kulayogyA cha kulapuShpaprakAshinI |
kulInA cha kulAdhyakshA kulachandanalepitA || 9||
kularUpA kulodbhUtA kulakuNDalivAsinI |
kulAbhinnA kulotpannA kulAchAravinodinI || 10||
kulavR^ikshasamudbhUtA kulamAlA kulaprabhA |
kulaj~nA kulamadhyasthA kulaka~NkaNashobhitA || 11||
kulottarA kaulapUjA kulAlApA kulakriyA |
kulabhedA kulaprANA kuladevI kulastutiH || 12||
kaulikA kAlikA kAlyA kalibhinnA kalAkalA |
kalikalmaShahantrI cha kalidoShavinAshinI || 13||
ka~NkAlI kevalAnandA kAlaj~nA kAladhAriNI |
kautukI kaumudI kekA kAkA kAkalayAntarA || 14||
komalA~NgI karAlAsyA kandapUjyA cha komalA |
kaishorI kAkapuchChasthA kambalAsanavAsinI || 15||
kaikeyIpUjitA kolA kolaputrI kapidhvajA |
kamalA kamalAkshI cha kambalAshvatarapriyA || 16||
kalikAbha~NgadoShasthA kAlaj~nA kAlakuNDalI |
kAvyadA kavitA vANI kAlasandarbhabhedinI || 17||
kumArI karuNAkArA kurusainyavinAshinI |
kAntA kulagatA kAmA kAminI kAmanAshinI || 18||
kAmodbhavA kAmakanyA kevalA kAlaghAtinI |
kailAsashikharArUDhA kailAsapatisevitA || 19||
kailAsanAthanamitA keyUrahAramaNDitA |
kandarpA kaThinAnandA kulagA kIchakR^ityahA || 20||
kamalAsyA kaThorA cha kITarUpA kaTisthitA |
kandeshvarI kandarUpA kolikA kandavAsinI || 21||
kUTasthA kUTabhakshA cha kAlakUTavinAshinI |
kAmAkhyA kamalA kAmyA kAmarAjatanUdbhavA || 22||
kAmarUpadharA kamrA kamanIyA kavipriyA |
ka~njAnanA ka~njahastA ka~njapatrAyatekshaNA || 23||
kAkinI kAmarUpasthA kAmarUpaprakAshinI |
kolAvidhvaMsinI ka~NkA kala~NkArkakala~NkinI || 24||
mahAkulanadI karNA karNakANDavimohinI |
kANDasthA kANDakaruNA karmakasthA kuTumbinI || 25||
kamalAbhA bhavA kallA karuNA karuNAmayI |
karuNeshI karAkartrI kartR^ihastA kalodayA || 26||
kAruNyasAgarodbhUtA kAruNyasindhuvAsinI |
kAttIkeshI kAttIkasthA kAttIkaprANapAlanI || 27||
karuNAnidhipUjyA cha karaNIyA kriyA kalA |
kalpasthA kalpanilayA kalpAtItA cha kalpitA || 28||
kulayA kulavij~nAnA karShINI kAlarAtrikA |
kaivalyadA kokarasthA kalama~njIrara~njanI || 29||
kalayantI kAlajihvA ki~NkarAsanakAriNI |
kumudA kushalAnandA kaushalyAkAshavAsinI || 30||
kasApahAsahantrI cha kaivalyaguNasambhavA |
ekAkinI arkarUpA kuvalA karkaTasthitA || 31||
karkoTakA koShTharUpA kUTavahnikarasthitA |
kUjantI madhuradhvAnaM kAmayantI sulakshaNaam || 32||
ketakI kusumAnandA ketakIpuNyamaNDitA |
karpUrapUraruchirA karpUrabhakshaNapriyA || 33||
kapAlapAtrahastA cha kapAlachandradhAriNI |
kAmadhenusvarUpA cha kAmadhenuH kriyAnvitA || 34||
kashyapI kAshyapA kuntI keshAntA keshamohinI |
kAlakartrI kUpakartrI kulapA kAmachAriNI || 35||
ku~NkumAbhA kajjalasthA kamitA kopaghAtinI |
kelisthA kelikalitA kopanA karpaTasthitA || 36||
kalAtItA kAlavidyA kAlAtmapuruShodbhavA |
kaShTasthA kaShTakuShThasthA kuShThahA kaShTahA kushA || 37||
kAlikA sphuTakartrI cha kAmbojA kAmalA kulA |
kushalAkhyA kAkakuShThA karmasthA kUrmamadhyagA || 38||
kuNDalAkArachakrasthA kuNDagolodbhavA kaphA |
kapitthAgravasAkAshA kapittharodhakAriNI || 39||
kAhoDa kAhaDa kADa ka~NkalA bhAShakAriNI |
kanakA kanakAbhA cha kanakAdrinivAsinI || 40||
kArpAsayaj~nasUtrasthA kUTabrahmArthasAdhinI |
kala~njabhakshiNI krUrA krodhapu~njA kapisthitA || 41||
kapAlI sAdhanaratA kaniShThAkAshavAsinI |
ku~njareshI ku~njarasthA ku~njarA ku~njarAgatiH || 42||
ku~njasthA ku~njaramaNI ku~njamandiravAsinI |
kupitA kopashUnyA cha kopAkopavivarjItA || 43||
kapi~njalasthA kApi~njA kapi~njalatarUdbhavA |
kuntIpremakathAviShTA kuntImAnasapUjitA || 44||
kuntalA kuntahastA cha kulakuntalalohinI |
kAntA~NghrasevikA kAntakushalA koshalAvatI || 45||
keshihantrI kakutsthA cha kakutsthavanavAsinI |
kailAsashikharAnandA kailAsagiripUjitA || 46||
kIlAlanirmalAkArA kIlAlamugdhakAriNI |
kutunA kuTTahI kuTThA kUTanA modakAriNI || 47||
krau~NkArI krau~NkarI kAshI kuhushabdasthA kirAtinI |
kUjantI sarvavachanaM kArayantI kR^itAkR^itam || 48||
kR^ipAnidhisvarUpA cha kR^ipAsAgaravAsinI |
kevalAnandaniratA kevalAnandakAriNI || 49||
kR^imilA kR^imidoShaghnI kR^ipA kapaTakuTTitA |
kR^ishA~NgI kramabha~NgasthA ki~NkarasthA kaTasthitA || 50||
kAmarUpA kAntaratA kAmarUpasya siddhidA |
kAmarUpapIThadevI kAmarUpA~NkujA kujA || 51||
kAmarUpA kAmavidyA kAmarUpAdikAlikA |
kAmarUpakalA kAmyA kAmarUpakuleshvarI || 52||
kAmarUpajanAnandA kAmarUpakushAgradhIH |
kAmarUpakarAkAshA kAmarUpatarusthitA || 53||
kAmAtmajA kAmakalA kAmarUpavihAriNI |
kAmashAstrArthamadhyasthA kAmarUpakriyAkalA || 54||
kAmarUpamahAkAlI kAmarUpayashomayI |
kAmarUpaparamAnandA kAmarUpAdikAminI || 55||
kUlamUlA kAmarUpapadmamadhyanivAsinI |
kR^itA~njalipriyA kR^ityA kR^ityAdevIsthitA kaTA || 56||
kaTakA kATakA koTikaTighaNTavinodinI |
kaTisthUlatarA kAShThA kAtyAyanasusiddhidA || 57||
kAtyAyanI kAchalasthA kAmachandrAnanA kathA |
kAshmIradeshaniratA kAshmIrI kR^iShikarmajA || 58||
kR^iShikarmasthitA kaurmA kUrmapR^iShThanivAsinI |
kAlaghaNTA nAdaratA kalama~njIramohinI || 59||
kalayantI shatruvargAn krodhayantI guNAguNam |
kAmayantI sarvakAmaM kAshayantI jagattrayam || 60||
kaulakanyA kAlakanyA kaulakAlakuleshvarI |
kaulamandirasaMsthA cha kuladharmaviDambinI || 61||
kuladharmaratAkArA kuladharmavinAshinI |
kuladharmapaNDitA cha kuladharmasamR^iddhidA || 62||
kaulabhogamokshadA cha kaulabhogendrayoginI |
kaulakarmA navakulA shvetachampakamAlinI || 63||
kulapuShpamAlyAkAntA kulapuShpabhavodbhavA |
kaulakolAhalakarA kaulakarmapriyA parA || 64||
kAshIsthitA kAshakanyA kAshI chakshuHpriyA kuthA |
kAShThAsanapriyA kAkA kAkapakshakapAlikA || 65||
kapAlarasabhojyA cha kapAlanavamAlinI |
kapAlasthA cha kApAlI kapAlasiddhidAyinI || 66||
kapAlA kulakartrI cha kapAlashikharasthitA |
kathanA kR^ipaNashrIdA kR^ipI kR^ipaNasevitA || 67||
karmahantrI karmagatA karmAkarmavivarjItA |
karmasiddhiratA kAmI karmaj~nAnanivAsinI || 68||
karmadharmasushIlA cha karmadharmavasha~NkarI |
kanakAbjasunirmANamahAsiMhAsanasthitA || 69||
kanakagranthimAlyADhyA kanakagranthibhedinI |
kanakodbhavakanyA cha kanakAmbhojavAsinI || 70||
kAlakUTAdikUTasthA kiTishabdAntarasthitA |
ka~NkapakshinAdamukhA kAmadhenUdbhavA kalA || 71||
ka~NkaNAbhA dharA karddA karddamA karddamasthitA |
karddamasthajalAchChannA karddamasthajanapriyA || 72||
kamaThasthA kArmukasthA kamrasthA kaMsanAshinI |
kaMsapriyA kaMsahantrI kaMsAj~nAnakarAlinI || 73||
kA~nchanAbhA kA~nchanadA kAmadA kramadA kadA |
kAntabhinnA kAntachintA kamalAsanavAsinI || 74||
kamalAsanasiddhisthA kamalAsanadevatA |
kutsitA kutsitaratA kutsA shApavivarjItA || 75||
kuputrarakshikA kullA kuputramAnasApahA |
kujarakshakarI kaujI kubjAkhyA kubjavigrahA || 76||
kunakhI kUpadIkshusthA kukarI kudhanI kudA |
kupriyA kokilAnandA kokilA kAmadAyinI || 77||
kukAminA kubuddhisthA kUrpavAhana mohinI |
kulakA kulalokasthA kushAsanasusiddhidA || 78||
kaushikI devatA kasyA kannAdanAdasupriyA |
kusauShThavA kumitrasthA kumitrashatrughAtinI || 79||
kuj~nAnanikarA kusthA kujisthA karjadAyinI |
kakarjA karjjakariNI karjavaddhavimohinI || 80||
karjashodhanakartrI cha kAlAstradhAriNI sadA |
kugatiH kAlasugatiH kalibuddhivinAshinI || 81||
kalikAlaphalotpannA kalipAvanakAriNI |
kalipApaharA kAlI kalisiddhisusUkShmadA || 82||
kAlidAsavAkyagatA kAlidAsasusiddhidA |
kalishikshA kAlashikshA kandashikshAparAyaNA || 83||
kamanIyabhAvaratA kamanIyasubhaktidA |
karakAjanarUpA cha kakshAvAdakarA karA || 84||
ka~nchuvarNA kAkavarNA kroShTurUpA kaShAmalA |
kroShTranAdaratA kItA kAtarA kAtarapriyA || 85||
kAtarasthA kAtarAj~nA kAtarAnandakAriNI |
kAshamarddatarUdbhUtA kAshamarddavibhakshiNI || 86||
kaShTahAniH kaShTadAtrI kaShTalokaviraktidA |
kAyAgatA kAyasiddhiH kAyAnandaprakAshinI || 87||
kAyagandhaharA kumbhA kAyakumbhA kaThoriNI |
kaThoratarusaMsthA cha kaThoralokanAshinI || 88||
kumArgasthApitA kuprA kArpAsatarusambhavA |
kArpAsavR^ikshasUtrasthA kuvargasthA karottarA || 89||
karNATakarNasambhUtA kArNATI karNapUjitA |
karNAstrarakshikA karNA karNahA karNakuNDalA || 90||
kuntalAdeshanamitA kuTumbA kumbhakArikA |
karNAsarAsanA kR^iShTA kR^iShNahastAmbujAjItA || 91||
kR^iShNA~NgI kR^iShNadehasthA kudeshasthA kuma~NgalA |
krUrakarmasthitA korA kirAta kulakAminI || 92||
kAlavAripriyA kAmA kAvyavAkyapriyA krudhA |
ka~njalatA kaumudI cha kujyotsnA kalanapriyA || 93||
kalanA sarvabhUtAnAM kapitthavanavAsinI |
kaTunimbasthitA kAkhyA kavargAkhyA kavargIkA || 94||
kirAtachChedinI kAryA kAryAkAryavivarjItA |
kAtyAyanAdikalpasthA kAtyAyanasukhodayA || 95||
kukShetrasthA kulAvighnA karaNAdipraveshinI |
kA~NkAlI ki~NkalA kAlA kilitA sarvakAminI || 96||
kIlitApekshitA kUTA kUTaku~NkumacharchItA |
ku~NkumAgandhanilayA kuTumbabhavanasthitA || 97||
kukR^ipA karaNAnandA kavitArasamohinI |
kAvyashAstrAnandaratA kAvyapUjyA kavIshvarI || 98||
kaTakAdihastirathahayadundubhishabdinI |
kitavA krUradhUrtasthA kekAshabdanivAsinI || 99||
keM kevalAmbitA ketA ketakIpuShpamohinI |
kaiM kaivalyaguNodvAsyA kaivalyadhanadAyinI || 100||
karI dhanIndrajananI kAkshatAkshakala~NkinI |
kuDuvAntA kAntishAntA kAMkshA pAramahaMsyagA || 101||
kartrI chittA kAntavittA kR^iShaNA kR^iShibhojinI |
ku~NkumAshaktahR^idayA keyUrahAramAlinI || 102||
kIshvarI keshavA kumbhA kaishorajanapUjitA |
kalikAmadhyaniratA kokilasvaragAminI || 103||
kuradehaharA kumbA kuDumbA kurabhedinI |
kuNDalIshvarasaMvAdA kuNDalIshvaramadhyagA || 104||
kAlasUkShmA kAlayaj~nA kAlahArakarI kahA |
kahalasthA kalahasthA kalahA kalahA~NkarI || 105||
kura~NgI shrIkura~NgasthA kora~NgI kuNDalApahA |
kukala~NkI kR^iShNabuddhiH kR^iShNA dhyAnanivAsinI || 106||
kutavA kAShThavalatA kR^itArthakaraNI kusI |
kalanakasthA kasvarasthA kalikA doShabha~NgajA || 107||
kusumAkArakamalA kusumasragvibhUShaNA |
ki~njalkA kaitavArkashA kamanIyajalodayA || 108||
kakArakUTasarvA~NgI kakArAmbaramAlinI |
kAlabhedakarA kATA karpavAsA kakutsthalA || 109||
kuvAsA kabarI karvA kUsavI kurupAlanI |
kurupR^iShThA kurushreShThA kurUNAM j~nAnanAshinI || 110||
kutUhalaratA kAntA kuvyAptA kaShTabandhanA |
kaShAyaNatarusthA cha kaShAyaNarasodbhavA || 111||
katividyA kuShThadAtrI kuShThishokavisarjanI |
kAShThAsanagatA kAryAshrayA kA shrayakaulikA || 112||
kAlikA kAlisantrastA kaulikadhyAnavAsinI |
klR^iptasthA klR^iptajananI klR^iptachChannA kalidhvajA || 113||
keshavA keshavAnandA keshyAdidAnavApahA |
keshavA~NgajakanyA cha keshavA~NgajamohinI || 114||
kishorArchanayogyA cha kishoradevadevatA |
kAntashrIkaraNI kutyA kapaTA priyaghAtinI || 115||
kukAmajanitA kau~nchA kau~nchasthA kau~nchavAsinI |
kUpasthA kUpabuddhisthA kUpamAlA manoramA || 116||
kUpapuShpAshrayA kAntiH kramadAkramadAkramA |
kuvikramA kukramasthA kuNDalIkuNDadevatA || 117||
kauNDilyanagarodbhUtA kauNDilyagotrapUjitA |
kapirAjasthitA kApI kapibuddhibalodayA || 118||
kapidhyAnaparA mukhyA kuvyavasthA kusAkshidA |
kumadhyasthA kukalpA cha kulapa~NktiprakAshinI || 119||
kulabhramaradehasthA kulabhramaranAdinI |
kulAsa~NgA kulAkshI cha kulamattA kulAnilA || 120||
kalichinhA kAlachinhA kaNThachinhA kavIndrajA |
karIndrA kamaleshashrIH koTikandarpadarpahA || 121||
koTitejomayI koTyA koTIrapadmamAlinI |
koTIramohinI koTiH koTikoTividhUdbhavA || 122||
koTisUryasamAnAsyA koTikAlAnalopamA |
koTIrahAralalitA koTiparvatadhAriNI || 123||
kuchayugmadharA devI kuchakAmaprakAshinI |
kuchAnandA kuchAchChannA kuchakAThinyakAriNI || 124||
kuchayugmamohanasthA kuchamAyAturA kuchA |
kuchayauvanasammohA kuchamarddanasaukhyadA || 125||
kAchasthA kAchadehA cha kAchapUranivAsinI |
kAchagrasthA kAchavarNA kIchakaprANanAshinI || 126||
kamalA lochanapremA komalAkshI manupriyA |
kamalAkshI kamalajA kamalAsyA karAlajA || 127||
kamalA~NghiradvayA kAmyA karAkhyA karamAlinI |
karapadmadharA kandA kandabuddhipradAyinI || 128||
kamalodbhavaputrI cha kamalA putrakAminI |
kirantI kiraNAchChannA kiraNaprANavAsinI || 129||
kAvyapradA kAvyachittA kAvyasAraprakAshinI |
kalAmbA kalpajananI kalpabhedAsanasthitA || 130||
kAlechChA kAlasArasthA kAlamAraNaghAtinI |
kiraNakramadIpasthA karmasthA kramadIpikA || 131||
kAlalakShmIH kAlachaNDA kulachaNDeshvarapriyA |
kAkinIshaktidehasthA kitavA kintakAriNI || 132||
kara~nchA ka~nchukA krau~nchA kAkacha~nchupuTasthitA |
kAkAkhyA kAkashabdasthA kAlAgnidahanAthIkA || 133||
kuchakshanilayA kutrA kuputrA kraturakshikA |
kanakapratibhAkArA karabandhAkR^itisthitA || 134||
kR^itirUpA kR^itiprANA kR^itikrodhanivAriNI |
kukshirakshAkarA kukshA kukshibrahmANDadhAriNI || 135||
kukshidevasthitA kukshiH kriyAdakshA kriyAturA |
kriyAniShThA kriyAnandA kratukarmA kriyApriyA || 136||
kushalAsavasaMshaktA kushAriprANavallabhA |
kushArivR^ikshamadirA kAshIrAjavashodyamA || 137||
kAshIrAjagR^ihasthA cha karNabhrAtR^igR^ihasthitA |
karNAbharaNabhUShADhyA kaNThabhUShA cha kaNThikA || 138||
kaNThasthAnagatA kaNThA kaNThapadmanivAsinI |
kaNThaprakAshakaariNI kaNThamANikyamAlinI || 139||
kaNThapadmasiddhikarI kaNThAkAshanivAsinI |
kaNThapadmasAkinIsthA kaNThaShoDashapatrikA || 140||
kR^iShNAjinadharA vidyA kR^iShNAjinasuvAsasI |
kutakasthA kukhelasthA kuNDavAla~NkR^itAkR^itA || 141||
kalagItA kAlaghajA kalabha~NgaparAyaNA |
kAlIchandrA kalA kAvyA kuchasthA kuchalapradA || 142||
kuchauraghAtinI kachChA kachChAdasthA kajAtanA |
ka~njAChadamukhI ka~njA ka~njatuNDA kajIvalI || 143||
kAmarAbhArsuravAdyasthA kiyadha~NkAranAdinI |
kaNAdayaj~nasUtrasthA kIlAlayaj~nasa~nj~nakA || 144||
kaTuhAsA kapATasthA kaTadhUmanivAsinI |
kaTinAdaghoratarA kuTTalA pATalipriyA || 145||
kAmachArAbjanetrA cha kAmachodgArasa~NkramA |
kAShThaparvatasandAhA kuShThAkuShTha nivAriNI || 146||
kahoDamantrasiddhasthA kAhalA DiNDimapriyA |
kulaDiNDimavAdyasthA kAmaDAmarasiddhidA || 147||
kulAmaravadhyasthA kulakekAninAdinI |
kojAgaraDholanAdA kAsyavIraraNasthitA || 148||
kAlAdikaraNachChidrA karuNAnidhivatsalA |
kratushrIdA kR^itArthashrIH kAlatArA kulottarA || 149||
kathApUjyA kathAnandA kathanA kathanapriyA |
kArthachintA kArthavidyA kAmamithyApavAdinI || 150||
kadambapuShpasa~NkAshA kadambapuShpamAlinI |
kAdambarI pAnatuShTA kAyadambhA kadodyamA || 151||
ku~NkulepatramadhyasthA kulAdhArA dharapriyA |
kuladevasharIrArdhA kuladhAmA kalAdharA || 152||
kAmarAgA bhUShaNADhyA kAminIraguNapriyA |
kulInA nAgahastA cha kulInanAgavAhinI || 153||
kAmapUrasthitA kopA kapAlI bakulodbhavA |
kArAgArajanApAlyA kArAgAraprapAlinI || 154||
kriyAshaktiH kAlapa~NktiH kArNapa~NktiH kaphodayA |
kAmaphullAravindasthA kAmarUpaphalAphalA || 155||
kAyaphalA kAyapheNA kAntA nADIphalIshvarA |
kamapherugatA gaurI kAyavANI kuvIragA || 156||
kabarImaNibandhasthA kAverItIrthasa~NgamA |
kAmabhItiharA kAntA kAmavAkubhramAturA || 157||
kavibhAvaharA bhAmA kamanIyabhayApahA |
kAmagarbhadevamAtA kAmakalpalatAmarA || 158||
kamaThapriyamAMsAdA kamaThA markaTapriyA |
kimAkArA kimAdhArA kumbhakAramanasthitA || 159||
kAmyayaj~nasthitA chaNDA kAmyayaj~nopavItikA |
kAmayAgasiddhikarI kAmamaithunayAminI || 160||
kAmAkhyA yamalAshasthA kAlayAmA kuyoginI |
kuruyAgahatAyogyA kurumAMsavibhakshiNI || 161||
kururaktapriyAkArI ki~NkarapriyakAriNI |
kartrIshvarI kAraNAtmA kavibhakshA kavipriyA || 162||
kavishatrupraShThalagnA kailAsopavanasthitA |
kalitridhA trisiddhisthA kalitridinasiddhidA || 163||
kala~NkarahitA kAlI kalikalmaShakAmadA |
kulapuShpara~Nga sUtramaNigranthisushobhanA || 164||
kambojava~NgadeshasthA kulavAsukirakshikA |
kulashAstrakriyA shAntiH kulashAntiH kuleshvarI || 165||
kushalapratibhA kAshI kulaShaTchakrabhedinI |
kulaShaTpadmamadhyasthA kulaShaTpadmadIpinI || 166||
kR^iShNamArjArakolasthA kR^iShNamArjAraShaShThikA |
kulamArjArakupitA kulamArjAraShoDashI || 167||
kAlAntakavalotpannA kapilAntakaghAtinI |
kalahAsA kAlahashrI kalahArthA kalAmalA || 168||
kakshapapaksharakshA cha kukShetrapakshasaMkshayA |
kAksharakshAsAkshiNI cha mahAmokshapratiShThitA || 169||
arkakoTishatachChAyA AnvIkshiki~NkarAchItA |
kAverItIrabhUmisthA AgneyArkAstradhAriNI || 170||
iM kiM shrIM kAmakamalA pAtu kailAsarakShiNI |
mama shrIM IM bIjarUpA pAtu kAlI shirasthalam || 171||
urusthalAbjaM sakalaM tamolkA pAtu kAlikA |
UDumbanyarkaramaNI uShTregrA kulamAtR^ikA || 172||
kR^itApekShA kR^itimatI ku~NkArI kiMlipisthitA |
kundIrghasvarA klR^iptA cha keM kailAsakarAchIkA || 173||
kaishorI kaiM karI kaiM keM bIjAkhyA netrayugmakam |
komA mata~NgayajitA kaushalyAdi kumArikA || 174||
pAtu me karNayugmantu krauM krauM jIvakarAlinI |
gaNDayugmaM sadA pAtu kuNDalI a~NkavAsinI || 175||
arkakoTishatAbhAsA akSharAkSharamAlinI |
AshutoShakarI hastA kuladevI nira~njanA || 176||
pAtu me kulapuShpADhyA pR^iShThadeshaM sukR^ittamA |
kumArI kAmanApUrNA pArshvadeshaM sadAvatu || 177||
devI kAmAkhyakA devI pAtu pratya~NgirA kaTim |
kaTisthadevatA pAtu li~NgamUlaM sadA mama || 178||
guhyadeshaM kAkinI me li~NgAdhaH kulasiMhikA |
kulanAgeshvarI pAtu nitambadeshamuttamam || 179||
ka~NkAlamAlinI devI me pAtu chArumUlakam |
ja~NghAyugmaM sadA pAtu kIrtIH chakrApahAriNI || 180||
pAdayugmaM pAkasaMsthA pAkashAsanarakShikA |
kulAlachakrabhramarA pAtu pAdA~NgulIrmama || 181||
nakhAgrANi dashavidhA tathA hastadvayasya cha |
viMsharUpA kAlanAkShA sarvadA parirakShatu || 182||
kulachChatrAdhArarUpA kulamaNDalagopitA |
kulakuNDalinI mAtA kulapaNDitamaNDitA || 183||
kAkAnanI kAkatuNDI kAkAyuH prakharArkajA |
kAkajvarA kAkajihvA kAkAjij~nA sanasthitA || 184||
kapidhvajA kapikroshA kapibAlA hikasvarA |
kAlakA~nchI viMshatisthA sadA viMshanakhAgraham || 185||
pAtu devI kAlarUpA kalikAlaphalAlayA |
vAte vA parvate vApi shUnyAgAre chatuShpathe || 186||
kulendrasamayAchArA kulAchArajanapriyA |
kulaparvatasaMsthA cha kulakailAsavAsinI || 187||
mahAdAvAnale pAtu kumArge kutsitagrahe |
rAj~no.apriye rAjavashye mahAshatruvinAshane || 188||
kalikAlamahAlakShmIH kriyAlakShmIH kulAmbarA |
kalIndrakIlitA kIlA kIlAlasvargavAsinI || 189||
dashadikShu sadA pAtu indrAdidashalokapA |
navachChinne sadA pAtu sUryAdikanavagrahA || 190||
pAtu mAM kulamAMsADhyA kulapadmanivAsinI |
kuladravyapriyA madhyA ShoDashI bhuvaneshvarI || 191||
vidyAvAde vivAde cha mattakAle mahAbhaye |
durbhIkShAdibhaye chaiva vyAdhisa~NkarapIDite || 192||
kAlIkullA kapAlI cha kAmAkhyA kAmachAriNI |
sadA mAM kulasaMsarge pAtu kaule susa~NgatA || 193||
sarvatra sarvadeshe cha kularUpA sadAvatu |
ityetat kathitaM nAtha mAtuH prasAdahetunA || 194||
aShTottarashataM nAma sahasraM kuNDalIpriyam |
kulakuNDalinIdevyAH sarvamantrasusiddhaye || 195||
sarvadevamanUnA~ncha chaitanyAya susiddhaye |
aNimAdyaShTasiddhyarthaM sAdhakAnAM hitAya cha || 196||
brAhmaNAya pradAtavyaM kuladravyaparAya cha |
akulIne.abrAhmaNe cha na deyaH kuNDalIstavaH |
pravR^itte kuNDalIchakre sarve varNA dvijAtayaH || 197||
nivR^itte bhairavIchakre sarve varNAH pR^ithakpR^ithak |
kulInAya pradAtavyaM sAdhakAya visheShataH || 198||
dAnAdeva hi siddhiH syAnmamAj~nAbalahetunA |
mama kriyAyAM yastiShThetsa me putro na saMshayaH || 199||
sa AyAti mama padaM jIvanmuktaH sa vAsavaH |
Asavena samAMsena kulavahnau mahAnishi || 200||
nAma pratyekamuchchArya juhuyAt kAryasiddhaye |
pa~nchAchArarato bhUttvA UrdhvaretA bhavedyatiH || 201||
saMvatsarAnmama sthAne AyAti nAtra saMshayaH |
aihike kAryasiddhiH syAt daihike sarvasiddhidaH || 202||
vashI bhUttvA trimArgasthAH svargabhUtalavAsinaH |
asya bhR^ityAH prabhavanti indrAdilokapAlakAH || 203||
sa eva yogI paramo yasyArthe.ayaM sunishchalaH |
sa eva khecharo bhakto nAradAdishukopamaH || 204||
yo lokaH prajapatyevaM sa shivo na cha mAnuShaH |
sa samAdhigato nityo dhyAnastho yogivallabhaH || 205||
chaturvyUhagato devaH sahasA nAtra saMshayaH |
yaH pradhArayate bhaktyA kaNThe vA mastake bhuje || 206||
sa bhavet kAlikAputro vidyAnAthaH svayaMbhuvi |
dhaneshaH putravAn yogI yatIshaH sarvago bhavet || 207||
vAmA vAmakare dhR^ittvA sarvasiddhIshvaro bhavet |
yadi paThati manuShyo mAnuShI vA mahatyA || 208||
sakaladhanajaneshI putriNI jIvavatsA |
kulapatiriha loke svargamokShaikahetuH
sa bhavati bhavanAtho yoginIvallabheshaH || 209||
paThati ya iha nityaM bhaktibhAvena martyo
haraNamapi karoti prANaviprANayogaH |
stavanapaThanapuNyaM koTijanmAghanAsha
kathitumapi na shakto.ahaM mahAmAMsabhakShA || 210||

|| iti shrIrudrayAmale uttaratantre ShaTchakraprakAshe bhairavIbhairavasaMvAde
mahAkulakuNDalinI sahasranAmastotraM sampUrNam ||