Sri Chhinnamasta hridayam

shrIchhinnamastAhR^iadayam

shrIgaNeshAya namaH |

shrIpArvatyuvAcha |
shrutaM pUjAdikaM samyagbhavadvak{}trAb{}janiHsR^itam |
hR^idayaM chhinnamastaayaaH
shrotumichchhaami saampratam || 1||
OM mahaadeva uvaacha |
naadyaavadhi mayaa proktaM kasyaapi praaNavallabhe
yatvayaa paripR^iShTo.ahaM vakShye priityai tava priye || 2||
OM asya shrIchhinnamastaahR^idayastotramantrasya bhairava R^iShiH \, samraaT chhandaH \, chhinnamastaa devataa \, hUM biijam \,
OM shaktiH \, hrIM kIlakaM \, shatrukShayakaraNArthe pAThe viniyogaH ||
OM bhairavaR^iShaye namaH shirasi |
OM samrATchhandase namo mukhe |
OM chhinnamastAdevatAyai namo hR^idi |
OM hUM bIjAya namo guhye |
OM OM shaktaye namaH pAdayoH |
OM hrIM kIlakAya namo nAbhau |
OM viniyogAya namaH sarvA~Nge |
iti R^iShyAdinyAsaH |
OM OM a~NguShThAbhyAM namaH |
OM hUM tarjanIbhyAM namaH |
OM hrIM madhyamAbhyAM namaH |
OM aiM anAmikAbhyAM namaH |
OM klIM kaniShThikAbhyAM namaH |
OM hUM karatalakarapR^iShThAbhyAM namaH |
iti karanyAsaH |
OM OM hR^idayAya namaH |
OM hUM shirase svAhA |
OM hrIM shikhAyai vaShaT |
OM aiM kavachAya hum |
OM klIM netratrayAya vauShaT |
OM hUM astrAya phaT |
iti hR^idayAdiShaDa~NganyAsaH |
raktAbhAM raktakeshIM karakamalalasatkartrikAM kAlakAntiM
vichchhinnaatmIyamuNDAsR^igaruNabahulodagradhArAM pibantIm |
vighnAbhraughaprachaNDashvasanasamanibhAM sevitAM siddhasa~NghaiH
padmAkShIM chhinnamastAM chhalakaraditijachchhedinIM sa.nsmarAmi ||
iti dhyAnam |
vande.ahaM chhinnamastaaM tAM chhinnamuNDadharAM parAm chhinnagrIvochchhaTAchchhannAM kShaumavastraparichchhadAm || 2||
sarvadA surasa~Nghena sevitA~NghrisaroruhAm |
seve sakalasampattyai chhinnamastaaM shubhapradAm || 3||
yaj~nAnAM yogayaj~nAya yA tu jAtA yuge yuge |
dAnavAntakarIM devIM chhinnamastAM bhajAmi tAm || 4||
vairochanIM varArohAM vAmadevavivarddhitAm |
koTisUryyaprabhAM vande vidyudvarNAkShimaNDitAm || 5||
nijakaNThochchhaladraktadhArayA yA muhurmuhuH |
yoginIstarpayantyugrA tasyAshcharaNamAshraye || 6||
hUmityekAkSharaM mantraM yadIyaM yuktamAnasaH |
yo japettasya vidveShI bhasmatAM yAti tAM bhaje || 7||
hUM svAheti manuM samyagyaH smaratyartimAnnaraH |
chhinatti chchhinnamastaayA tasya bAdhAM namAmi tAm || 8||
yasyAH kaTaakShamAtreNa krUrabhUtAdayo drutam |
dUrataH sampalAyante chchhinnamastaaM bhajAmi tAm || 9||
kShititalaparirakShAkShAntaroShA sudakShA
chhalayutakhalakakShAchchhedane kShAntilakShyA |
kShitiditijasupakShA kShoNipAkShayyashikShA
jayatu jayatu chAkShA chchhinnamastAribhakShA || 10||
kalikaluShakalAnAM karttane kartrihastA
surakuvalayakAshA mandabhAnuprakAshA |
asurakulakalApatrAsikA.amlAnamUrti
jayatu jayatu kAlI chchhinnamastaa karAlI || 11||
bhuvanabharaNabhUribhrAjamAnAnubhAvA
bhavabhavavibhavAnAM bhAraNodbhAtabhUtiH |
dvijakulakamalAnAM bhAsinI bhAnumUrti
bhavatu bhavatu vANI chchhinnamastaa bhavAnI || 12||
mama ripugaNamAshu chchhettumugraM kR^ipANaM
sapadi janani tIkShNaM chhinnamuNDaM gR^ihANa |
bhavatu tava yasho.alaM chhindhi shatrUnkhalAnme
mama cha paridisheShTaM chhinnamaste kShamasva || 13||
chhinnagrIvA chhinnamastA chhinnamuNDadharA.akShatA |
kShodakShemakarI svakShA
kShoNiishAchchhAdanakShamA || 14||
vairochanI varArohA balidAnapraharShitA |
balipUjitapAdAb{}jA vAsudevaprapUjitA || 15||
iti dvAdashanAmAni chchhinnamastApriyANi yaH |
smaretprAtaH samutthAya tasya nashyanti shatravaH || 16||
yAM smR^itvA santi sadyaH sakalasuragaNAH sarvadA sampadADhyAH
shatruuNAM sa~NghamAhatya vishadavadanAH svasthachittAH shrayanti |
tasyAH sa~NkalpavantaH sarasijacharaNAM satataM
sa.nshrayanti sA.a.adyA shrIshAdisevyA suphalatu sutaraM chhinnamastaa prashastA || 17||
idaM hR^idayamaj~nAtvA hantumichchhati yo dviSham |
kathaM tasyAchiraM shatrurnAshameShyati pArvati || 18||
yadIchchhennAshanaM shatroH shIghrametatpaThennaraH |
chhinnamastaa prasannaa hi dadAti phalamiipsitam || 19||
shatruprashamanaM puNyaM samIpsitaphalapradam |
AyurArogyadaM chaiva paThatAM puNyasAdhanam || 20||

|| iti shrInandyAvarte mahAdevapArvatIsa.nvAde
shrIchhinnamastAhR^idayastotraM sampuurNam ||