OM asya shrI rAhustotramahAmantrasya vAmadeva R^iShiH |
anuShTupchChandaH | rAhurdevatA |
rAhuprasAdasiddhyarthe jape viniyogaH |
kAshyapa uvAcha |
shR^iNvantu munayaH sarve rAhuprItikaraM stavam |
sarvarogaprashamanaM viShabhItiharaM param || 1||
sarvasampatkaraM chaiva guhyametadanuttamam |
AdareNa pravakShyAmi shrUyatAmavadhAnataH || 2||
rAhuH sUryaripushchaiva viShajvAlI bhayAnanaH |
sudhAMshuvairiH shyAmAtmA viShNuchakrAhito balI || 3||
bhujageshastIkShNadaMShTraH krUrakarmA grahAdhipaH |
dvAdashaitAni nAmAni nityaM yo niyataH paThet || 4||
japtvA tu pratimAM raMyAM sIsajAM mAShasusthitAm |
nIlairgandhAkShataiH puShpaiH bhaktyA sampUjya yatnataH
vidhinA vahnimAdAya dUrvAnnAjyAhutIH kramAt|
tanmantreNaiva juhuyAdyAvadaShTottaraM shatam || 6||
hutvaivaM bhaktimAn rAhuM prArthayedgrahanAyakam |
sarvApadvinivR^ityarthaM prA~njaliH praNato naraH || 7\\
rAho karALavadana ravichandrabhaya~Nkara |
tamorUpa namastubhyaM prasAdaM kuru sarvadA || 8||
simhikAsuta sUryAre siddhagandharvapUjita |
siMhavAha namastubhyaM sarvAnrogAn nivAraya || 9||
kR^ipANaphalakAhasta trishUlin varadAyaka |
garaLAtigarALAsya gadAnme nAshayAkhilAn || 10||
svarbhAno sarpavadana sudhAkaravimardana |
surAsuravarastutya sarvadA tvaM prasIda me || 11||
iti samprArthito rAhuH duShTasthAnagato.api vA |
suprIto jAyate tasya sarvAn rogAn vinAshayet || 12||
viShAnna jAyate bhItiH mahArogasya kA kathA |
sarvAn kAmAnavApnoti naShTaM rAjyamavApnuyAt || 13||
evaM paThedanudinaM stavarAjametaM martyaH prasanna hR^idayo vijitendriyo yaH |
ArogyamAyuratulaM labhate suputrAnsarve grahA viShamagAH suratiprasannAH || 14||
iti rAhustotraM sampUrNam |
Famous Rahu stotra from Skanda Purana is here
No comments:
Post a Comment